Menu
Loyalty points
أتأكد أن طاقم العمل بياكل الأكل الصح

أتأكد أن طاقم العمل بياكل الأكل الصح

فريق العمل هو المحرك الأساسي للكل العمليات والموضوع أكبر من حدود المطبخ. الشغل مع الصيام تحدي صعب على كل الوظايف خصوصا تقديم الأكل لأنه مكان تتساوى فيه أهمية الجودة والكمية. انصح طاقم العمل بتناول وجبات متوازنة عشان يقدروا يقدموا أحسن أداء أثناء الصيام. وجبة السحور مهمة جداَ عشان يحصلوا على العناصر الغذائية اللي تخليهم قادرين يشتغلوا. توفيرك للوجبات دي ليهم هيضمن انتاجية وتركيز عالي.

أهمية النوم

أهمية النوم

النوم ممكن يكون أهم العناصر الرئيسية اللي بنتجاهلها في رمضان. مع الشغل في فترة الصيام والصلاة من الليل وحتى الفجر، مطابخ كتير بيتأثر أداءها نتيجة لعدم التركيز. عشان كده مهم جدا أنك تعرف طاقم العمل على أهمية الحفاظ على مواعيد ثابتة من النوم والحصول على قسط كافي من الراحة عشان تحافظ على انتاجية مطبخك في الوقت الصعب.

شرب المياه مهم جدا جدا جدا

شرب المياه مهم جدا جدا جدا

زحمة اليوم في رمضان بتنسينا نشرب مياه طول فترة الإفطار. أكد على طاقم العمل بالمواظبة على شرب المياه للمحافظة على صحة الجسم أثناء الصيام. ولو فترة الشغل خلال فترة الصيام يفضل يكون فيه فترة راحة صغيرة كل ٣٠-٤٠ دقيقة.

حافظ على أوقات الصلوات

حافظ على أوقات الصلوات

احترام عقائد طاقم العمل شئ مهم. خلي دايما في فترة راحة ١٠-١٥ دقيقة لتأدية الصلاة يقدورا يستريحوا فيها ويحصلوا على بعض الهدوء اللي يساعدهم يكملوا العمل.

ورشة عمل ١٥ دقيقة عن قائمة العمل

ورشة عمل ١٥ دقيقة عن قائمة العمل

خصص وقت في بداية اليوم عشان تعمل قائمة لعمليات اليوم وتقسيمتها مع طاقم العمل حسب السرعة والأهمية، ده هيساعد طاقم العمل في تحديد الاهداف ويحسن في الاستخدام الأمثل للوقت و تحديد كل عملية تتطلب وقت وتركيز قد ايه. ممكن كمان تشجع الأفراد أنها تاخد مسئوليات أكبر وتقسمها لعمليات أصغر عشان يمشوا على نفس الطريقة مع جدول أعمالهم ويحسنوا الكفاءة الانتاجية.

أستمع لطاقم العمل

أستمع لطاقم العمل

الاحساس بأنك واحد من أصحاب المكان محفز جدا للأداء في أي مكان عمل. في وقت زي رمضان وخلال عمل المينو الرمضاني مهم أنك تشرك طاقم العمل عن طريق أنك تطلب اقتراحاتهم وأفكارهم للمينو. ده بيخليهم يكونوا مهتمين وملتزمين أكتر عشان يقدموا أحسن شغل ويخلي في احساس بالانتماء للمطبخ.

رمضان دايما وقت زحمة خصوصا على خدمات تقديم الطعام وطاقم المطبخ. التخطيط والتجهيز المبكر بيضمن أحسن انتاجية ويحافظ على مستوي خدمة عالي ثابت طول السنة.

الرئيسية
المنتجات
الوصفات
عربة التسوق
القائمة