في عالم الطبخ، السر في الاستمرارية، استمرارية طعم وجودة ثابتة في كل مرة، ده العنصر الأساسي لنجاح أي مطعم، والعكس طبعًا صحيح.
ولما الشيفات بيقدروا يحافظوا على تجانس النكهات والقوام، يتحول الأكل لتجربة ماتتنسيش. وده بيتطلب اختيار مكونات بجودة عالية واهتمام بتفاصيل الطبق.
التعاون و ثبات نظام الـتشغيل للشيفات ف المطبخ كل يوم
أساس الاستمرارية في المطبخ هو فريق الشيفات، العصب الأساسي لأي مطعم، لو حد عمل أي تغييرهيسمع فالنتيجة اللى الضيوف بيعيشوها في الصالة بره المطبخ.
عشان كده، تعاون و توحيد نظام التشغيل ف المطبخ ما بين كل الشيفات من اول التحضير لحد التقديم هو أساس إن الضيف كل مرة يطلب نفس الطبق بنفس الطعم.
لو عايز تقيس مدى نجاح المطعم هتعرف من ثبات طعم الأكل في كل مرة
الدقة في تفاصيل كل وصفة:
الدقة والترتيب لكل تفصيلة في الوصفة هو الضامن الوحيد إن أي شيف في المطبخ يقدر يحققها.
التفاصيل من بداية التفكير في المنيو وتجربة الأطباق لأول مرة، الطبخ سلسلة من التجارب، كتير منها بيفشل ولكن اللي بينجح بتكون حاجة فريدة من نوعها. خسارة لو معرفناش نوصلها تاني لو مفيش توثيق ليها مفصل.
المكونات لازم تكون معروف مصادرها وأوقات توريدها، المقادير تكون موزونة بالملليجرام.، التحضير يكون بالثانية وبالدرجة المئوية.
مصادر المكونات والجودة:
بيعتمد الشيفات على مصادرهم الموثوقة لضمان إن كل عنصر في الوصفة بيساعد بشكل كبير في خلق تجربة طبخ وطعم لذيذة.
ومن المهم إنك تلاقي مصدر للحصول على مكونات بجودة عالية من مصادر موثوقة. كمان مهم تقييم الموردين وفحص جودة المكونات بشكل دقيق ودوري لضمان استمرارية التساوي في الطعم والجودة. ويكون عندك اهتمام كبير بتوفير اختيارات لموردين مختلفين للمكونات علشان تضمن إنها تكون متوفرة بشكل منتظم حسب المعايير المطلوبة.
سير عمل المطبخ وتنظيمه:
كل ما كان مطبخك منظم وكل حاجة في مكانها محسوبة بالمللي كل ما ده بيظهر في الطبخ وتحضير الأكل، ترتبط التحضيرات والتنسيق بين أعضاء الفريق بإعداد أطباق بطعم لذيذ وفي الوقت المناسب.
تنظيم كل حاجة في مطبخك بيقلل من الإرهاق وبيزود من الكفاءة، زي مثلاً جدول العمل بين أفراد الفريق بيساعدك توصل لطبخ فعال ومنظم وبالتالي كل الأدوار بين فريق العمل هتكون منظمة وفي مكانها وهتضمن إن الأكل يطلع بأفضل شكل ممكن.
مراقبة الجودة وردود الأفعال:
جودة الأكل هي الأساس في كل حاجة من أول اختيار الخضروات اللي هتطبخ بيها لحد نوع التوابل اللي بتستخدمها وشكل الأطباق اللي بتقدم فيها الأكل وده كله بيساعد في النهاية في تكوين طبق مميز ويعجب كل اللي يجربه من أول مرة وفي كل مرة.
كمان مهم تسمع للعملاء وتعرف رأيهم في الأكل لأن ده دايمًا بيساعد إنك تطور الطبق ويطلع متكامل مش ناقصه أي حاجة في المرة اللي بعدها.
التكيف مع الفصول المتغيرة:
صناعة المطاعم بتتطلب التكيف مع الفصول المتغيرة، والتكيف مع التغيرات الموسمية بينتج مرونة وإبداع في المطبخ. الشيفات بيبتكروا ويضيفوا لمسات مختلفة للطبق اللي بيحضروه من التغيرات البيئية والاجتماعية وبيحققوا تجربة متكاملة تفرق وتسيب أثر مع العملاء.
من أكتر الحاجات المؤثرة في التكيف مع الفصول المتغيرة هي تخزين الأكل بشكل صحيح وبالخطوات اللازمة علشان الأكل يكون طعمه طازج ومتأثرش من التخزين.
نصائح من فريق UFS عن استمرارية الطعم:
شيف إياد: " ."
