Menu
Loyalty points
ابدأ في الوقت الصح

ابدأ في الوقت الصح

أهم حاجة تبدأ بدري عشان تجهيزات رمضان مش هتخلص في يوم وليلة و في عوامل كتير مؤثرة, لو واحدة منهم باظت، هتأثر عليك بشكل سلبي طول الشهر. ممكن تكون عامل أحسن مطعم و شخص يكتب عن تجربته السيئة في السحورفيسببلك مشكلة طول الشهر. دايما ابدأ من شهرين لثلاثة قبل رمضان عشان تضمن أن كل الأمور تحت السيطرة وجاهز لأول فطار/سحور السنة دي.

حدد هدف و رؤية

حدد هدف و رؤية

 

من غير رؤية واضحة للشكل و أداء المطعم والمينو في رمضان، مش هتعرف تبدأ منين. تابع تاريخ أداء مطعمك ومطاعم المنافسين، اعمل جلسات تذوق و ابتكار مع رئيس الشيفات وطور الجانب الخاص بمطعمك اللي يخليك تتميز في منافسة رمضان الشرسة. 

أشرك العاملين في الخطة

أشرك العاملين في الخطة

بمجرد ماتحدد رؤيتك وتحط الخطط اجتمع مع الشركاء وأصحاب القرار عشان تشركهم في الخطة. ناقش مع رئيس الشيفات المينو الجديد وانعكاسها على التكاليف والمشتريات، نسق مع فريق التسويق ازاي يوصلوا الخطة و وجه طاقم العمل بالتركيز على أطباق محددة. بالطريقة ديه يكون مطبخك والمطعم وكل الوسائل في تناغم تام مع الرؤية وخطة رمضان.

درب طاقم العمل

درب طاقم العمل

رمضان موسم ضغط الشغل فيه عالي على المطاعم والدنيا على طول زحمة. الناس بتوصل تقريبا في نفس الوقت وأي غلطة أو حد يكتب أونلاين عن تجربة سيئة تعملك مشكلة طول الشهر. اعمل تدريبات لطاقم العمل عن طريق محاكاة لأوقات الفطار والسحور عشان تقدر تحدد نقط الضعف وتعالجها قبل ماتدخل في الجد. لو مش هتقدر تتحمل تكاليف المحاكاة ممكن تتابع الأمور وتحسنها خلال الأيام الأولى والضغط لسه مش عالي.

تحسين الانتاج

تحسين الانتاج

على الرغم أنك ممكن تكون شغال بمينو كبير طول السنة، بس مع ضغط الشغل في رمضان محتاج تعيد تفكير في الاختيارات وتعمل مينو رمضان للفطار بحيث تختار الأطباق المطلوبة وتقليل من تكاليف المشتريات والوقت والمجهود. وده بيفتحلك فرصة أنك تركز على الاختيارات المحددة وتجهزها من بدري وتحفظها عشان تفضل سخنة وتكون جاهزة على التقديم في الميعاد مظبوط. في حالة أنك ضامن حجوزات كتير تشغل المطعم بالكامل فالاختيار الأفضل أنك تعمل بوفيه مفتوح سواء للفطار أو السحور.

حط نفسك مكان الزبون

حط نفسك مكان الزبون

الأكل هو جزء من التجربة

 والحكاية مش مينو تمام و مكان جاهز يستقبل ناس في رمضان,

 الموضوع أكبر من مجرد أطباق غنية وشهية. الأجواء الرمضانية عنصر مهم جدا، الأنوار والزينة. لازم الأجواء تظهر على تفاصيل المكان، من الأوراق على الطربيظات لعلامات الترحيب. والموسيقي كمان نقطة مهمة جدا، لو مزيكتك مش مناسبة يبقى محتاج تغيرها بأغاني شرقية رمضانية.

و كمان مهم جداً تدريب افراد الخدمة من أول طريقة استقبال الزباين لغاية خروجهم من المطعم كل شىء زي الكلام و طريقة التعامل مهم في إن المطعم يوفر تجربة إيجابية تخلي الزباين تجيلك تاني.

الرئيسية
المنتجات
الوصفات
عربة التسوق
القائمة