فرصة كبيرة مع أجيال مختلفة:
الزباين اللي أعمارهم تتراوح بين 25 و 40 سنة بيفضلوا الأكل الجاهز اللي ممكن يطلبوه و يروحوا بيه البيت على طول أو حتى الوجبات الجاهزة على التسخين الي بتتباع في المطاعم أو حتى من الهايبر ماركت. حياتهم السريعة دايمًا بتأثر على قراراتهم وإختياراتهم عشان كدة بيدوروا على وجبات سريعة و صحية من غير ما ينتظروا وقت كبير لحد ما تجهز.
عادات تناول الطعام الجديدة:
بعد الكورونا و كل اللي حصل، لسة في زباين خايفين يمارسوا حياتهم بشكل عادي بالذات في المطاعم والمحلات التجارية. عشان كدة إتجاهك للتيك اواى فرصة كبيرة أوى تنجح بيها وتوفر للزباين بدائل لعادات تناول الطعام المعتادة تناسبهم أكتر زى الدرايف ثرو، التيك اواى أو الوجبات الجاهزة.
ثلاجات العرض فرصة كبيرة:
زى ما قولناك قبل كدة، الأعمار الصغيرة و الموسطة مرتاحة بأسلوب حياتهم السريع الحالي وبيفضلوا التيك اواى عن المطاعم العادية. إحنا في يونيليفر فود سوليوشنز شايفين إن ثلاجات العرض داخل أو خارج مطعمك هتنجح بشكل كبير. ممكن لو داخل المطعم يكون فيها سلاطات أو أطباق رئيسية جاهزة على التسخين، ولو في المولات ممكن يكون فيها أكلات سريعة زى الساندويشات الباردة أو المخبوزات.
