"تسلل الأكل الصحي" هي عبارة عن طريقة مبتكرة لتحسين عروضك بمهارة من غير ما عملائك يعرفوا. في أوقات، لما بتقول للضيوف إن الطبق ده صحي، بيفترضوا إن طعمه وحش – بس إحنا عارفين إن ده مش صح. لما تخلي الأكل اللي بتقدمه صحي أكتر، انت كده بقيت شريك أفضل لضيوفك وموظفينك والمجتمع كله. اعرف إزاي تعمل ده:
1. خلي الخضروات مركز طبقك، وخليها بتلمع وشهية
تقدر تزوّد كمية الخضروات على أطباقك أوحتى تميزها كنجوم وسط الطبق. الباذنجان والبورتوبيللو مشروم والكتير من الخضروات الجذرية مفيدة للقلب ومتنوعة كفاية علشان تعمل بيها طبق رئيسي كامل. بالإضافة لكده، تقدر تقلل كميات اللحوم الحمراء – وده هوفر فلوس و مكسب لمطعمك. اتأكد من أن أوصاف قائمتك بتوصل النكهات الكبيرة والجريئة.
2. غير في البروتين
جرب تقلل من كمية اللحوم الحمره في أطباقك. بيسمي معهد الطهي الأمريكي الممارسة دي "تحول البروتين". تقليل اللحوم مش بس مفيد من الناحية الغذائية، ده كمان بيساعد على خلق أرض أكثر استدامة. اقرأ عن المكاسب السريعة مع بدايل اللحوم النباتية.
3. خليك ذكي
متخافش من "إخفاء" الإضافات الصحية زي السبانخ في الصلصات أو الشوربة. ممكن كمان تستبدل المكونات زي المكرونة بالنودلز أو تستخدم الخس بدل التورتيلا كلفائف. كمان في طرق كتيرة لاستخدام مكافأة الطبيعة علشان تقلل كمية الملح في أطباقك.
4. قدم أكلك الخارق
في زيادة كبيرة في عدد الزبائن اللي عايزين "أكل عملي". بين سنة 2011 و 2015 ، كان في زيادة كبيرة بنسبة 202٪ على مستوى العالم في عدد منتجات الأكل والشرب اللي تم إطلاقها وفيها مصطلحات "أكل خارق" أو "فواكه خارقة" أو "حبوب خارقة". * ممكن تستفيد من الاتجاه ده لتعزيزعروضك الصحية بانك تستخدم أكتر من المكونات زي الكينوا والتوت الأزرق واللفت والسالمون وبذور الشيا والشاي الأخضر والبروكلي والفاصوليا.
5. خليك جرئ
شجع عملائك من خلال إضافة نكهات كبيرة وشهية للأطباق اللي ممكن تعتبر صحية. على سبيل المثال ، كمية صغيرة من سوتيه البيبروني البقري المفروم هتخلي اي حد يحب الكرنب.
ممكن تستفيد من الاتجاهات الجديدة وتستخدم النكهات العالمية والتقنيات التقليدية علشان تقدم نكهات مكثفة وأطباق خضروات لذيذة. طبق الكيمتشي الكوري على سبيل المثال – الأحلى من أنه سهل، ان منطقة تخزين الخضروات الخاصة بيك أكيد فيها كل المكونات اللي ممكن تحتاجها علشان تحضرالطبق الكوري الشعبي والبسيط ده!
6. خلي بالك من التقديم
فكر في تقديم أحجام أصغر وتزود أطباق جانبية صحية. خليك مبدع وقدم الطبق الجانبي كعنصر رئيسي في طبقك بدل من إنه طبق جانبي. خليك دايماً فاكر أهمية شكل الأطباق اللي بتستعملها. علشان أهمية وجود اتصال مرئي بين شكل الطبق وحجمه ومحتوياته حاجه مهمة جدا لرضا العميل.
* Mintel, GNPD
