انتهت مسابقة ملك توابل كنور آخر سبتمبر في دبي السنة دي. وكانت المسابقة حماسيّة جداً وفاز فيها الشيف أحمد فتح الدين السو شيف التنفيزي لمطعم باندوز مالديف.

كان الشيف أحمد فتح الدين بيتنافس في المرحلة الأخيرة مع 6 مشاركين تانيين، وقدر يجيب نِمَر أعلى من الباقيين في كل الاختبارات.  آخر 3 اختبارات كانت عبارة عن اختبار الديلي الهايل، والمقبلات البحرية، وطبق اللحم الرئيسي.  ولجنة التحكيم كانت جامدة جداً فأعضاءها هما شيفات شركة يونيليفر لحلول الأغذية (الشيف جان فان دير وستوزين، والشيف ديفيد بيطار، والشيف مارك هايس، ورئيس المطبخ في مجموعة الحبتور - الشيف بول حاج).

كانت المسابقة ناجحة بكل المقاييس وخاصة في الأسبوع الأخير. لأن المتسابقين في المرحلة الأخيرة كانوا جايين من دُوَل مختلفة (الخليج، ومصر، وباكستان، وسريلانكا، والمالديف). وانبسطوا جداً واستفادوا من الحصص اللي كانوا بياخدوها وبيتعلّموا فيها حاجات مختلفة زي تقنيات الطبخ الجديدة، وتجهيز ميزانيات المطبخ. وقابلوا كمان شيفات مشهورين جداً في الإمارات.

التصفيات النهائية: اقرا تفاصيل الأسبوع الأخير للشيف فتح الدين في دبي

لما سألناه عن تجربته في دبي، قال الشيف أحمد فتح الدين: 

"اتعلّمت حاجات جديدة كتير في تقنيات الطبخ اللي هتفيدني في شغلي أكيد. والمسابقة إجمالاً أضافت لمسيرتي المهنيّة، وشجّعتني إني أتعلّم أكتر واشتغل على نفسي أكتر، وزوّدت ثقتي في نفسي".

اتعرّف على الفايز باللقب: الشيف أحمد فتح الدين بيحكيلنا عن تجربته في المسابقة وعن إحساسه بعد الفوز، وكمان بيقدّم نصايح مهمّة للمشتركين في مسابقة السنة الجيّة.

في مسابقة السنة دي، اتقدّملنا حوالي 550 وصفة جديدة من شيفات مختلفين.  وبكدة قدرت مسابقة ملك توابل كنور 2017 من إنها تحقّق أهدافها من المسابقة. فألهمت الشيفات من كل مكان إنهم يبدعوا ويقدّموا وصفات مبتكرة. وكمان أكّدت على إن التوابل مهمّة بشكل أساسي وما يستغناش عنها أي شيف شاطر.

متحمّسين من دلوقتي عشان نشوف إبداعات الشيفات لما هيستخدموا منتجات كنور في مسابقة ملك التوابل الموسم الجاي. 

سجّل معانا عشان توصلك آخر أخبارنا.