شوف النصائح والحيل هنا:
الفراخ المقلية
- إضافة توابل جافة فور خروج الدجاج المقلي من زيت التحمير ،و ده عشان الحرارة الناتجة عن التحمير هتسخن التوابل و تظهر ريحتها النفاذة.
- نسيب المقليات في سبت القلي للتصفية لمدة 30 ثانية بعد القلي بيقلل احتمالية أن الأكل يطلع شارب زيت كتير.
- نختار نوع زيت القلي المناسب علشان نحصل على درجة قرمشة و لون و طعم مثالي.
السمك المشوي
- عدم تتبيل السمك بتوابل ذات رائحة نفاذة حتى لا تطغى على الطعم الرئيسي للسمك.
- عدم تتبيل السمك لفترة أطول من الحد اللازم حتى ال يؤثر سلبيا على طعم الطبق الرئيسي.
- إضافة مرقة السمك لأطباق السمك المختلفة أثناء الطهي يقوي نكهة و طعم السمك في الطبق النهائي.
الباستا
- نسلق المكرونة اوردر باوردر علشان تكون فريش وقوامها مظبوط.
- نسخن المكرونة مع الصوص لمدة دقيقتين علشان المكرونة تاخد من طعم الصوص.
- لو بنبعت المكرونة ديليفري لازم نزود الصوص علشان المكرونة هتشرب شوية من الصوص في الطريق.
البيتزا
- نسبة الرطوبة لو عالية في صوص البيتزا ده هيطري البيتزا من المنتصف و هيطلع نتيجة غير مرغوب فيها.
- درجة حرارة الفرن مش بس بتفرق في وقت التسوية لأ دي كمان بتفرق في قرمشة و لون البيتزا.
- نخمر البيتزا وقت كافي عشان تحصل علي عجينة مثالية.
البرجر
- ناخد بالنا من كمية الصوص وحجم العيش و المكونات الأخرى بالمقارنة لحجم قطعة البرجر علشان في الأخر طعم البرجر نفسه هو اللي يبقى ظاهر.
- تحميص العيش قبل إضافة الصوص مهم جدا علشان العيش مايشربش الصوص.
- نختار خامات تغليف مناسبة لكل صنف في الوجبة تخلي شكلها حلو و تحفظها في مرحلة التوصيل للعميل.
