Menu
نقاط ولاء

من غير شك، من أهم الخدمات اللي الفندق بيقدمها، هي الفطار.  من كام سنة، موقع Hotel.com  عمل استطلاع رأي لألف مسافر من كل أنحاء العالم ولقوا إن الفطار من أهم الحاجات اللي الضيوف بيفكروا فيها وهما بيحجزوا. مش كده وبس، دايما الناس بتاكل وجبة الفطار في الفندق أكثر من أي وجبة تانية الفندق بيقدمها. لو عايز تشد الضيوف انهم يجوا الفندق بتاعك، لازم وجبة الفطار اللي تقدمها تكون مبهرة.

بنقدملك 6 أفكار هتساعدك توصل لكده – بأسهل طريقة!

أفكار لركن الفطار:

 ركن الطبخ الفوري

أحلي مسرح للفطار! الضيوف بتحب تتفاعل مع الشيفات وتشوفهم وهما بيطبخوا. دي حاجة بتحمس الزبائن، وده كمان بيديهم القدرة انهم يتحكموا في الكمية. فوايد ركن الطبخ الحي كتيرة:

  • مش هتحتاج تتحكم وتقيس حرارة الوجبات السخنة كل شوية. 
  • الضيوف هيستمتعوا بالأكل السخن من علي الشواية علي طول.
  • الضيوف عادةً بيطلبوا كميات أقل من ركن الطبخ الحي عن لما هما يحضروا أطباقهم من البوفيه

 قدملهم أختيارات أقل

إحنا بنؤمن إن الأقل هو أكتر، وإن الجودة أهم من الكمية. لما بنقدم اختيارات كتيرة ، بينتهي الأمر أن ضيوفنا بيحتاروا. بدل ما يحصل كده ، قدم اختيارات أقل ، بس تكون كلها رائعة لوحدها أو مع بعض!

 حافظ على التجديد

علشان تخلّي الضيوف سعداء، لازم تفضل مستمر في تجديد أطباقك. علشان محدش هيبقي عايز يشوف بواقي بيض سكرامبلد، أو أطباق تقديم فاضية تخلّي شكل مطعمك وحش.

 استخدم أواني تقديم صغيرة

من المنطقي أنك تقدم وجباتك في أواني صغيرة. علشان الأحسن انك تزود أكل بدل اللي خلص، بدل ما تسيب الأكل يتركن و ده هيخلّي اطباقك كلها طازة وأحلي. ودايما الضيوف بيشوفوا إن التجديد المستمر في الأكل علامة على بوفيه عالي الجودة.

 حضر الفطار بنفسك!

امنح ضيوفك السيطرة! قدم مكونات رئيسية زي الشوفان ،العيش، الزبادي والحبوب مع مثلا 30 نوع من المكونات (الحادقة والحلوة) اللي يقدروا يستخدموها علشان يضيفوا نكهة علي اختيارهم. فكر في مكونات زي العسل ، والفواكه الطازة، والتوابل، والجرانولا ، والمكسرات، والفواكه المجففة، والسبريدز، والمحفوظات، والجبن، واللحوم الباردة والخضروات.

 ضاعف المطلوب!

دي نقطة واضحة بس ساعات لازم نوضح الحاجات الواضحة. دايما ركز مع الطوابير، ولاحظ الوجبات اللّي الناس بتتجمع عندها. و ضيف زي الاطباق دي على الناحية التانية من البوفيه علشان تقلل الزحمة. بسيطة بس فعالة!