Menu
نقاط ولاء
+

خليط التوفو:

  • زيت زيتون 40 ml
  • براعم البصل مقطعة 40 g
  • ثوم مفروم 15 g
  • مشروم (أبيض أو بني) متقطع شرائح 400 g
  • فلفل اسود 2 g
  • سبانخ فريش 100 g
  • توفو متصفي 750 g
  • مسحوق الكركم 5 g
  • مسحوق الفلفل الحار 1 g
  • مسحوق ثوم 5 g
  • حليب غير حيواني 30 ml
  • دقيق 30 g

الكراست:

  • دقيق 375 g
  • ملح 2 g
  • سكر 5 g
  • زبدة نباتي 225 g
  • حليب غير حيواني 120 ml

الكيش:

  • طماطم تشيري حمراء (طماطم صغيرة) متقطعة إلى أنصاف 250 g
  • طماطم تشيري صغيرة متقطعة إلى أنصاف 50 g
  • سلطة جانبية
  1. خليط التوفو:

    • سّخن طاسة على نار عليه وصيف شوية زيت زيتون.  شوّح البصل والمشروم في الزيت. وتبلهم كنور بودرة مرقة الخضار وفلفل.
    • دلوقتي تقدر تضيف السبانخ وسيبها لحد ما تدبل شوية وشيل الطاسة من على النار وسيبهم يبردوا تماما.
    • في محضر الطعام، انشل التوفو من المياه واعصره كويس واخلطه مع الكركم والفلفل والثوم والحليب وتبلّهم كنور بودرة مرقة الخضار وفلفلوتقدر تضيف الدقيق وتضربهم في محضر الطعام لحد ما يبقوا خليط متجانس.
    • وسيب الخليط دلوقتي على جنب لحد ما نرجع نستخدمه.
  2. الكراست:

    • اتأكد إن كل الأدوات اللي هتسخدمها في عمل الكراست تكون باردة.  (ادخل المضرب اليدوي ووعاء محضر الطعام وشفراته صينية فطيرة الكيش في الثلاجة لمدة 30 دقيقة قبل الاستخدام)
    • اخلط كل المكونات مع بعض، الدقيق والملح والسكر وقطّع الزبدة النباتي مكعابت ووّزعها فوق الدقيق. اخلطهم بشوكة أو في محضر الطعام لحد ما يبقى خليط سميك القوام.
    •  دلوقتي تقدر تضيف الحليب وتكمل خلط في محضر الطعام لحد ما تبقى عجينة جاهزة وخلي بالك متزودش في العجن عشان تبقى عجينة متماسكة.
    •  رّش شوية دقيق على سطح نضيف وابدأ لف العجينة بالرولر.
    •  قسّم العجينة عشان تعمل كراست للكيش عشان يبقى سمكها حوالي 25 سم في صينية الفطيرة الجاهز للفرن.  شكّل العجينة بالتساوي في الصينية واضغط عليها كويس. 
    • اعمل ثقوب صغيرة في العجينة ودخلها الفرن لمدة 15 دقيقة على درجة حرارة 180 أو لحد ما تأخد لون بني خفيف.
    •  طلّعها من الفرن وسيبها تبرد..
  3. الكيش:

    • بعد ما خبزنا الكراست، هنقلل درجة الحرارة لـ175 درجة مئوية. 
    • ونملى الكراست بخليط التوفو اللي احنا عملناه.
    • وهنوزع الطماطم المتقطعة بحرص فوق الكيش.  وبالراحة اضغط على الطماطم عشان تُدخل جوه خليط التوفو.
    • اخبز الكيش في الفرن لمدة 40 دقيقة أو لحد ما تستوي من جوه وتقدر تعرف ده لو دخلت خلة سنان وطلعت من غير عجين.
    • قدم الطبق مع سلطة جانبية.