+

التحضير:

  • ماء مغلي 1 l
  • 500 جم من ضلوع لحم ضأن 4 pc
  • زيت ذرة 100 g
  • ملح 20 g
  • فلفل أسود، مسحوق 5 g
  • بصل مفروم 200 g
  • شرائح المشروم الطازجة 300 g
  • ثوم مفروم ناعماً 30 g
  • أوريجانو طازج
  • طماطم طازجة مفرومة بعصيرها 200 g
  • ورقتا غار 2 pc
  • زعترمقطع 20 g
  • كريمة طبخ
  • بطاكس مهروسة بالثوم
  • أورزو (تشكيلة معجنات على شكل حبوب الشعير او الرز)
  1. التحضير:

    • لتحضير الديمي جلاس إغلي المياه للآخر وضيف كنور ديمي جلاس وسويها لمدة 5 دقايق.
    • سخن الفرن لدرجة حرارة 175 درجة مئوية. في بولة كبيرة رش ضلوع الضاني بمعلقة زيت كبيرة ونص معلقة شاي ملح وفلفل.
    • سخن طاسة  كبيرة تكون قاعدتها تقيلة على نار متوسطة لحد ما تسخن أوي. زود باقي الزيت، ولما يسخن ضيف الضاني على طبقة واحدة (حتى لو اضطريت  تعمل ده على دفعات). شوح الضاني لحد ما يبقى لونه بني من كل الجوانب، وبعد كدة شيله ورصه في كسرولة مناسبة  للفرن أو طاسة بغطا محكم الغلق.
    • اتخلص من أي دهون إضافية، سيب بس من معلقة لمعلقتين كبار في الطاسة . زود البصل والمشروم  وسويهم على نار متوسطة، وقلب من وقت للتاني وبعد كدة زود  الثوم. سويهم لمدة دقيقة كمان بالتقليب علشان الثوم  ما يتحرقش. قلب الزعتر والطماطم بعصيرها والديمي جلاس. إغلي الخليط ده كله وبعدين شيل من على النار وصبّه  على  اللحمة الضاني. زود ورق اللوري وغطيه كويس جدًا  بالغطاء.
    • انقل الضاني للفرن واطبخه لمدة ساعة كاملة، وبعدين قلل الحرارة لـ 150 درجة مئوية وكمل تسوية  الضاني حوالي ساعة إضافية لحد ما الشوكة تحسسك إنه  طري بس مش لدرجة انه ينفصل  من العضمة.
    • شيل اللحمة الضاني من الفرن وسيبها ترتاح  وتبرد شوية من غير الغطا، لمدة 15 دقيقة. ارفع كل قطعة  ضاني لطبق التقديم وغطيه بورق الألمونيوم  شيل ورق اللوري  من الطاسة واتخلص منه. شيل أي دهون من على الصوص. واتأكد من سمك الصوص (لازم يكون زي الكريمة التقيلة).
+