Menu
نقاط ولاء

2020 زيها زى أى سنة، جت بتغييرات كتير في حياتنا و حياة  الزبائن. وإنت في مطعمك لازم تتابع وتخلّي بالك من كل التغييرات دي عشان تستفيد منها صح وتقدم في مطعمك كل اللي الزبائن بيدوّروا عليه.

أغلب الناس دلوقتي بتدوّر على أطباق جديدة  يكسروا بيها صيامهم من غير ما يقلقوا على صحتهم  وعلشان كدة لازم  تلاقي طرق سهلة و بسيطة  تخلي بيها  مطعمك يقدم بدائل صحية أكتر و نلبي إحتياجات الزبائن في رمضان من غير تعب أو مجهود.

الأكل النباتي و الكيتو


خطوة بخطوة لازم تلبي إحتياجات كل الأذواق، لأن زى ما في زبائن مهتمة بطرق أكل صحية، في الزبائن مهتمة بأنظمة غذائية مختلفة تماماً زي نظام الكيتو أو الأكل النباتي. و أول حاجة هيفكروا فيها قبل ما يدخلوا مطعمك في رمضان هل هيلاقوا حاجة مناسبة ليهم و لا لأ. حاول تقرا أكتر عن الأنظمة دي و انت بتختار منيو إفطار رمضان لأن ده هيساعدك كتير تقدم إختيارات متنوعة و ترضي كل الأذواق

Plant-based food
Sharable food, Sharable taste

 

ألمشاركه تحلي كل حاجه


إنك تقدم في مطعمك أكل حلو ده مكسب، بس إنك تقدم تجربة ممتعة  للزبائن في رمضان دة مكسب أكبر.  حاول تضيف جزء في قايمتك لأطباق تنفع للمشاركة بين فردين أو أكتر، يعني ممكن تقدم نفس أطباقك لكن بكميات تكفي أكتر من شخص علشان ده هيشجع الزبائن إنها تتكلم مع بعض و يتبسطوا أكتر خصوصاً وقت الأكل وخروجات العائلات

حلو و حادق 
 

زى ما بيقولوا الحلو دايماً ليه بطن تانية، فى 2020 طبق الحلو مش لازم يكون مليان شوكولاتة  بالعكس ممكن تزود على الحلويات حاجة تكسرالسكر شوية بالظبط زى البطيخ و الجبنة.  

 في حاجات كتيرة ممكن تجرب تضيفها لأطباق الحلو لو بتفكر تقدم أطباق جريئة و جديدة. الشوكولاتة الحارة مثلاً واحدة من أفضل المكونات اللي ممكن تستخدمها في أطباقك المعتادة لكن مع لمسة أو جرعة جريئة من الفلفل الحار. الأعشاب كمان إضافة جريئة لأطباق الحلو فممكن تقدم تارت التوت الأزرق بالريحان أو لو بتفكر تقدم أطباق فاكهة ممكن  تقدم  معاها جبنة الريكوتا.

Savory desserts
Open kitchen
المطابخ المفتوحه تفتح النفس
 

زى برامج الطبخ بالظبط، الشيف بيعمل أكلة و المشاهدين يجوعوا !النار وهى طالعة من الطاسة و تقليب الباستا في الووك  وحماس الشيفات في المطبخ منظر مغري ويجوع أى حد مستني أكله عندك في المطعم. فلو بتفكر تجدد ديكور مطعمك  السنة دي يبقى لازم تفكر في المطبخ المفتوح علشان تجوع زبائنك أكتر و تفتح نفسهم على الأكل.

حافظ علي البيئه


زى ما انت محتاج تصاحب زبائنك و تعرف ايه الحاجات اللي مهتمين بيها، لازم تقدم كل حاجة  في مطعمك بشكل صديق للبيئة علشان هى الأساس. الوعي البيئي كل يوم بيزيد فا تقلليلك من إستخدامك  للبلاستيك و المواد الغير قابلة للتحلل أو إعادة التدوير لابد منه.

Go green

لازم دايماً تواكب كل التغييرات اللي بتحصل حواليك في حياة الزبائن في مطعمك وصيحات الأكل  وكمان علشان تعرف تلبي إحتياجاتهم طول الوقت و يفضل مطعمك الأنجح على الإطلاق في 2020.