Menu
نقاط ولاء

العيد دايماً له طابع خاص بيه. كل الناس بتحب تخرج من بيوتها و تقضي وقت حلو مع صحابهم أو حتى مع العيلة  وطبعاً الأكل  والحلويات هما دايماً هو محور الإهتمام بعد شهر صيام طويل.  

" إحنا الشيفات بنستمتع بموسم الأعياد جداً لأننا  بنعرف نقدم فيه للزبائن تجربة ممتعة من خلال الحلويات اللي اتعودنا عليها من زمان"  قال الشيف شريف عفيفي، رئيس الطهاة في  يونيليفر فود سوليوشنز مصر .علشان كده احنا بنقدملك أفكار هتساعدك تخلّي مطعمك محجوز طول فترة العيد.

فطار العيد

الموضة دلوقتي بين الشباب إنهم يخرجو من صلاة العيد على طول على المطاعم و الكافيهات علشان يلحقوا مكان يفطروا فيه،  لو في إمكانية إنك تغير ساعات العمل أول يوم العيد و تقدم فطار مختلف يومها هيبقى أحسن بكتير.

خلي مطعمك معروف علي الأنستجرام

ليلة العيد كل الناس بتفضل صاحية مع صحابها أو مع العيلة إستعداداً للعيد، و ده هيكون انسب وقت انك تستغل السوشيال ميديا علشان تعمل اعلانات لمطعمك و تشد زبائن أكتر له. صور اطباقك بشكل حلو ولذيذ و نزل الصور علي انستجرام  وهتلاقي الناس طوابير قدام مطعمك.

منيو خاص للعيد
 

زى ما قولنا فطار أول يوم هيبقى مهم أوي بالنسبة لزبائنك اللي أغلبهم هيكون مستني يشرب أول كوباية شاى لاتيه أو قهوة الصبح. جرب تزود في المنيو حاجة جديدة و كل الناس أكيد هيطلبوها و هى "صينية العيد" و مكوناتها هتكون كحك و بسكوت و بتيفور ومعاهم شاى ليبتون عادي أو شاى لاتيه و بالشكل دة هتلاقي كل زبائنك متحمسين أكتر إنهم يجربوها. 

وقت العيد مختلف تماماً عن رمضان، كل اللي عليك إنك تقدم تجربة جديدة  وممتعة لزباينك عشان تضمن إنهم يزوروا مطعمك كل يوم طول اليوم. وده يخليك تفكر في انك تشجع الناس انهم يتصلوا و يحجزوا، وتستعد لعدد الزبائن اللي متوقع  يزور مطعمك.