Menu
نقاط ولاء

شهر رمضان هو أكتر فترة مميّزة خلال السنة، بس كمان فترة مليانة تحديات بالنسبة لأصحاب المطاعم. لو عايز مطعمك ينجح رمضان ده، فلازم تفكر في سعادة زباينك و راحتهم. رمضان زى ما هو أكتر شهر بناكل فيه، فهو أكتر شهر الناس بتخاف تفطر فيه بره البيت خوفاً من جودة الأكل أو الـتأخير و علشان تجذب أكبر عدد من الزبائن جمعنالك أهم الأفكار الملهمة اللي ممكن تحتاجها  لبوفيه رمضاني ناجح تلفت بيه الأنظار.  

إخطف الأنظار

عشان تخطف أنظار زباينك  صح في رمضان،  إبعد عن طرق التقديم التقليدية لأطباقك.  تقطيع اللحوم قدام زباينك هيبقى ممتع جداً بالنسبة لهم و كمان هيساعدك تقلل من الإهدار في الكميات. لو عندك مساحة كبيرة ممكن كمان تزود باستا كورنر بإضافات بسيطة يقدر كل شخص يختار الباستا بالمكونات اللي بيحبها.

 و لو بتفكر تشد نوع جديد من الزباين لمطعمك فا لازم تبتدي تقدم أكل نباتي خلال رمضان عشان ترضي جميع الأذواق، خاصةً إن الأكل النباتي ممكن يكمل معاك طول السنة لأنه صيامي فهتضمن عدد كبير من الزبائن اللي يزوروا مطعمك طول السنة مش بس في رمضان.

قدم أصناف جديده خاصاً فيرمضان
 

التنوع في اللحوم شئ مهم لأنها تعتبر الطبق الرئيسي بالنسبة لناس كتير، لكن كفاية نوعين أو تلاتة بالكتير. غيّر أصناف اللحوم و الفراخ التقليدية.


فالشيف شريف عفيفي كبير طهاة يونيليفر فود سوليوشنز بينصحك " الفخدة الضاني من أكتر الأطباق الناجحة اليومين دول و اللي مالهاش غير طريقة واحدة بس للتسوية، التسوية البطيئة. سواء على نار هادئة أو عالبخار فا الإختيارين هيدوك نفس الطعم المثالي اللي بتدور عليه"

مكونات المستقبل
 

ركز على الأطباق الجانبية المتنوعة اللي بلمستك ومهارتك هتخليهم  أول حاجة تخلص في البوفيه.. جرب تضيف أنواع مختلفة من السلطات و المقبلات اللي هتفتح نفس زبائنك أكتر على الأكل. المكرونات و أصناف البطاطس هتلعب دور كبير في المنيو بتاعك لأنك كل يوم ممكن تعمل بيهم وصفات مختلفة عن اليوم اللي قبله.

 

مشروباتك الرمضانيه
 

أول حاجة زباينك هيبدأوا بيها هى المشروبات و خاصةً لأننا في الصيف ، و عشان كدة لازم تسيب بيها إنطباع كويس و منعش قبل الأكل. يفضل لو قللت من إستخدام السكر و إخترت مشروبات تكون خفيفة زى شاي ليبتون الإيرل جراى البارد اللي ممكن تقدمه مع نكهة جديدة و تزود عليه  سيرب الباشون فروت و النعناع. لطعم أقوى و منعش أكتر  

أما لو حابب تقدم المشروبات التقليدية فجرب تضيف النعناع و الليمون للكركديه مثلاً  أو ضيف عصير الأناناس للسوبيا عشان تقدمها بشكل جديد و مختلف زى البيناكولادا. 

Breakout beverage