Menu
نقاط ولاء

رمضان معروف بالأوقات الحلوة مع إن الترتيب له تحدي كبير، محتاج منك تخطيط و تركيز في إختياراتك للأصناف اللي هتقدمها لزبائنك على الإفطار. المقبلات بأشكالها و أنواعها شئ أساسي لا غنى عنه علشان تسيب إنطباع كويس عن جودة الأطباق في مطعمك. وعلشان تحضر قائمة متناسقة وخفيفه الشيف مصطفى  الرفاعي، المؤسس المشارك ورئيس قسم الطهي في مطاعم زوبا هيشاركك بوصفاته و نصايحه في تحضير مقبلاته المفضلة.  

السلاطات 

مفيش بوفيه كامل من غير سلطة، بعد ساعات الصيام الطويلة زبائنك دايماً هيدوروا على إختياراتك المتعددة من السلطات اللي تفتح نفسهم بجانب المقبلات و الطبق الرئيسي. إخلط و نسق مكوناتك الخاصة في  السلطات  عشان تبهر زبائنك. 

 وصفات السلطات ممكن تكون بسيطة و تقليدية لكن ممكن مع لمستك المصرية و تتبيلتك الخاصة  تعمل وصفة جديدة وتبقى أكتر حاجة بتطلب في مطعمك.

"الخس والفراخ و الجبنة هما المكونات الأساسية في أي سلطة سيزر، لكن لمستك هى اللي هتفرق في الطعم لما تقدم سلطة السيزر بشكل مصري وجديد وتزود عليها  عيش بلدي محمص و أنشوجة فتبقى سلطة سيزر بلدي" الشيف مصطفى 

القطايف
 

القطايف الحادقة طبق جديد و هيلفت إنتباه كل الزبائن في مطعمك. ممكن تقدمها بطرق مختلفة كتيرة زى الفراخ و الخضروات أو اللحمة المفرومة.  

"زود على تتبيلتك الخاصة تتبيله كنور للدواجن وجزر وأعشاب زى الريحان، أما تتبيلة الحمة المفرومة فممكن تزودلها جبنة موتزريلا و فلفل ألوان" 

دي كانت نصيحة الشيف مصطفى الرفاعي: لو بتدور على سر يميز القطايف الحادقة عندك  

المسقعة

مفيش ألذ وأحلى من ريحة المسقعة باللحمة المفرومة والبشاميل وقت الفطار في رمضان علشان تلفت بيها انتباه زبائنك، لأنها من المقبلات الخفيفة والمغذية اللي ممكن تتاكل في قطمة واحدة بس لو قدمتها بشكل جديد. بعد ما تختار البهارات الصح اللي هتدي طعم للمسقعة جرب تضيف فوق كل شريحة باذنجان باقي مكونات المسقعة و عليهم طبقة بشاميل فتكون كمية كافية لفرد واحد.

سر الشيف مصطفى الرفاعي في المسقعة "شوى الباذنجان و الفلفل هيبقى صحي أكتر و هيخلي المسقعة خفيفة عشان زباينك ياكلوا أكتر."