مع تغيير شخصية الزبائن طول الوقت وانهم بيفضلوا ياكلوا أطباق صحية، احنا فاهمين إن صعب تغير كل قايمتك بس فيه حاجات سهلة و بسيطة انت ممكن تغيرها هتحول أطباق كتير عادية لأطباق صحية. علشان كدة احنا جمعنالك البدايل الصحية اللي ممكن تستعملها علشان تضيف لقايمتك اختيارات صحية.

الطريقة اللي بتحضر بيها أطباقك بتأثر على النتيجة النهائية هتبقى أطباق صحية ولا لا، ابدأ بالخبز او الشوي بدل التحمير. ابدأ في استعمال زيوت صحية بدل من الزيوت المهدرجة زي مثلا زيت جوزالهند أو زيت الزيتون البكر.

هتقدر تلعب وتغير في أطباقك لما تغير اصناف اطباقك الجانبية. تقدر تقدم فريك او الكينوا بدل الرز، ممكن تقدم بطاطس مشوية بدل البطاطس المحمرة. و كمان ممكن تقدم في اختيارت اطباقك الجانبية؛ سلطة، خضار سوتيه، بطاطس مهروسة و درة حلوة مسلوقة عشان الزبائن يحسوا ان في اختيارات كتير هما ممكن يختاروا منها.

خلّي زبايئك يختموا وجباتهم بطبق حلويات صحي. تقدر تقدم التفاح المشوي بدل الابل باي، و طبعا الفروت سلاد و الزباردي المجمد من أشهي أصناف الحلويات الصحية.

علشان الوصفات و الأطباق الصحية بقت مشهورة قوي عند الزبائن، مطعمك لازم يواكب العصر ويقدم الجديد علشان يفضل مميز في 2019.