Menu
نقاط ولاء


رمضان معروف بالنهار الطويل و الجدول الزحمة، علشان كده لازم دايما نبقى مستعدين للتحديات اللي ممكن تظهر خلال اليوم. لما يكون معاك جدول مظبوط فيه وقت للراحه، هتقدر تبقى متأكد ان فريقك كله هيفضل شغال و هيطلع شغل بجودة عالية. 

كل الشيفات العالمين بيبتدوا تحضير قايمة الطعام قبلها ب6 شهور، و كمان بيحضروا لعيد الفطر. كل ما تبقى محضر كل اللي هتحتاجه و حاطط نظام ليك و لفريقك في شهر رمضان كل ما نسبة المشاكل هتقل و مطبخك هيشتغل بكل سلاسة.

 دايما خلّي عندك خطة بديلة و شيفات جاهزة تشتغل معاك لما تحتاج. 

هتحتاج تقسم وقتك في رمضان و يبقى عندك فريق للفطار و فريق للسحور، و كمان خلّي عندك فريق احتياطي علشان تفضل محافظ علي مستوى خدمتك.

من اكبر التحديات اللي بتواجه الشيفات في رمضان و هما بيحضروا الاطباق ان مش بيقدروا يدوقوا. اعتمد على خبرتك واستعمل خامات جودتها عالية علشان تحافظ على نفس طعم وجودة الاطباق.

دايما اشرب ماية كتير على الفطار والسحور و استغل وقت البريك في انك ترتاح.